Zoruaren gainean dagoen joko-taula handi batean, publikoak historia, marrazki eta musikak aukera ditzake, elementu guztiekin koreografia anitza sortu arte.

Taula, irudi marraztuak dituzten lauki handiez osatuta dago. Era berean, pertsona publiko bakoitzak karta bat jasotzen du. Kartekin jolasten eta sortzen diren istorioen bidez, Metamorfosiak hedatzen dira taula gainean. Metamorfosi bakoitzak soinu-giroa dakar, eta, publikoaren proposamenez, Lucia Chamorro artistak berehala inprobisatuko du. Elementu guztiekin: istorioak, musikak eta mugimenduak, koreografia anitza sortuko da, eta publikoa gonbidatuta dago parte hartzera.

Kale ikuskizun interaktibo honek Metamorfosien gaia jorratzen du eta espezieen arteko elkarrekintza. Ikuspegi eszeniko eta diziplina anitzekotik, publikoak parte hartzen du, eta izaki anitzen eraldaketa bizi du bizitza anitzetan, koreografia kolektibo eta publiko baten bidez. Ikuspegi filosofikotik, gizakiak eboluzio-eskalan duen nagusitasuna zalantzan jartzen du, eta izaki bakoitza organismo “birziklatua” dela proposatzen du, baina baita berria ere, izaki bakoitza etengabe eraikitzen eta suntsitzen da, bizimodu global eta bakar batetik abiatuta (Emanuele Coccia). Bestalde, kontzeptua ilustratzeko, Ovidiok “Metamorfosiak” lanean utzi zizkigun istorio fantastiko eta zoragarrietako batzuk ere erabiltzen dira, Europako kulturan eragin handiena izan duen lanetako bat.