Hitzak Txorabiatzen

“Hitzak txorabiatzen”, Lewis Carrollen, “Ispiluan barrena eta Alicek han aurkitu zuena”, obraren bertsioa da. 4 urtetik gorako haurrentzako antzezlan honetan, Alizia, protagonista, xake-taula handi baten gaineko bidaia imaginario batean murgilduko da. Aliziak eta bere katuak ispiluaren atalasea zeharkatzen dutenean, beste logika baten pean funtzionatzen duen mundu batekin egiten dute topo, ametsena, alegia. Aliziari gauza harrigarriak gertatuko zaizkio. Taula gainean, maitasun-orainkumea, trenez doan adarbakar bat, Humpty Dumpty, arrautza erraldoia, zaldunak, Erregina Gorria, Erregina Urdina eta beste hainbat pertsonaia mugituko dira. Horiek guztiek partidaren amaieraraino eramango dute, eta Aliziak, erregina bihurtuta, oturuntza bitxi batean parte hartuko du… “Hitzak Txorabiatzen” antzezlan bisuala da nagusiki, eta aktoreak, panpinak, proiekzioak eta abestiak ditu. Nabarmentzen dira antzezlen interpretazio-kalitatea, David Larrinagak sortutako musika-espazioaren bikaintasuna eta Juan Kruz Igerabideren maisutasuna poema eta abestien egokitzapenean.